生活DIY：<br>妙用舊Tee圖案至愛公仔隨身帶

生活DIY：
妙用舊Tee圖案至愛公仔隨身帶

秋裝開始出籠，一大堆短袖Tee着到殘，出年唔會着又不捨得Tee上的至愛圖案，點算好？其實只要動動腦筋，便可以將舊Tee上的圖案變成立體公仔和實用布袋。唔單止循環再用夠環保，重可以保留至愛的Tee圖案，日日陪住你。

記者：招佩珊
攝影：陳陶鈞
Model：Jennifer（SunSpot）

我係芝麻街Fans，特別鍾意CookieMonster，夏天最愛着嘅CookieMonsterTee，已經着到又殘又舊，但係見到CookieMonster咁可愛，又唔捨得棄掉，於是決定將佢來個大變身。我見CookieMonster嘅頭夠晒大，於是參考日本雜誌的做法，將它的頭剪下，然後用棉花將原本是平面的公仔塞到脹卜卜，做成一個軟腍腍的立體公仔，我將佢隨身帶，去到邊都見到佢。

材料：
Tee、棉花、剪刀、大頭針及針線。

製法：

1．沿公仔外形剪出前、後兩幅布，記得預留約5mm闊的子口位。

2．將有公仔的一面與另一塊布重叠，可以大頭針固定位置，然後沿公仔外形縫合直至剩餘3cm闊的開口。

3．將縫合後的布翻回正面並塞入棉花。

4．將公仔塞到脹卜卜後，再將開口縫合便大功告成。

實用布袋加織帶變斜揹袋
與其將件公仔Tee剪到爛晒，倒不如用盡成件Tee做個布袋。例如一般女仔着的細碼Tee，利用前面及後面最大兩幅布料，就可以做到一個斜揹袋。若然Tee上有個大大的圖案，完成後並不單止是一個淨色袋，特別又唔怕同人撞款。

■用圖案Tee做袋，一啲都唔嘥！

材料：
Tee、織帶、剪刀、大頭針及針線。

製法：



（備註：布料尺寸按個人喜好而定，但記得預留約5mm的子口位。）

1．剪出兩塊尺寸相同的長方形布料。

2．將有圖案的一面與另一塊布重叠，把開口的地方縫合（除袋口位）。大家亦可利用大頭針固定位置，縫起來便容易得多。

3．把整個袋翻回正面，在袋口左右兩邊縫上織帶便完成。

圖案搬上袋
想再簡單一些，可將喜愛圖案移植到布袋上，若然是淨色袋的話就更適合，舊Tee圖案立時變成裝飾品，幫舊袋改頭換面話咁易。

■一剪一縫，舊Tee圖案變裝飾。

材料：
Tee、布袋、剪刀、大頭針及針線。

製法：



小秘技

深水埗買織帶花款多
深水埗近南昌街一帶有幾間專賣織帶的舖頭，款式多，粗、幼、純色、圖案樣樣齊，用來做布袋的揹帶就最啱。現成買條織帶就毋須用布料自行縫製，夠晒方便，而且價錢唔貴，一般$8?碼，足夠做一個斜揹袋。

1．從Tee上剪出所需圖案。

2．將布塊縫在布袋上便可。