演藝界近日有個傳聞，7.1嗰日上街嘅演藝界人士，都俾內地列咗入黑名單，唔使旨意返大陸拍戲咁話。有人話份黑名單總共有十二人，包括張堅庭、杜汶澤、徐克、杜琪峰、吳思遠、張同祖、陳可辛、吳君如等等。
於是八方向懷疑受害人張堅庭同杜汶澤求證，張堅庭話冇聽過，亦唔相信，事關杜琪峰、杜汶澤同徐克喺內地都有戲拍緊。八方又問杜汶澤，「儍強」第一個反應係：「咁好笑？」然後好嚴肅咁分析，問八方講嘢嘅人係咪有政治目的。
八方求證過「香港第一才子」蕭若元，佢就講到真嘅一樣，重話𠵱家個個噤若寒蟬，係唔敢認嘅啫，唔係啩？國家由胡溫領導，聽講已經好開放，影視藝人反董，又冇反共，照計應該反而唔可以喺老董統治嘅香港拍戲，井水不犯河水，北上走向共和，冇理由會封殺，係共產黨可信，定係毓民老友第一才子蕭信得過呢？
傳真︰2623-9278
電郵︰