不嬲都好注重儀表嘅民主女神余若薇，噚日髮型一改，多咗兩束紫色同藍色嘅highlight（圖），咁前衞，唔怕有損大狀嘅嚴肅形象咩？
余大狀同八方解釋，呢兩束highlight其實係夾上頭嘅假髮而矣，淨係假日先夾嚟玩吓，襯得靚嘅話，重可以令人面色好啲。功效咁神奇，大家想學吓余大狀嘅話，可以去石板街選購，唔講價都係十五蚊一束，嗰度重有好多顏色，余大狀話螢光色其實好靚，不過太前衞唔啱佢啦。
區議會選舉在即，民望咁高嘅余大狀當然成為「拉票之星」，佢話已經留咗時間畀民主黨同前綫候選人，到時又有排忙啦。
傳真︰2623-9278
電郵︰