李萬祺前晚出席漢基國際學校舉行的「Virtuosity2003時裝展覽會」，他表示兩名女兒均有參與活動，長女Marcia負責統籌及印製場刊，幼女Sasha則行騷。
李萬祺說：「我都係做番爹哋責任，上年我冇嚟，今年補償番啦。我冇特別幫手，只係將記者聯絡資料畀咗個女，等佢通知傳媒採訪。」
問到為何不相約前妻余安安一起捧場，李萬祺說：「佢有工作，去咗外地。不過佢之前一晚都特登嚟睇rehearsal，教細女行騷、擺甫士。」李萬祺早前公開愛的宣言，問他安安的態度如何時，他說：「之前因為囡囡個function同佢聯絡過，但冇就呢樣嘢傾過，佢都冇任何反應。」
採訪、攝影：HoWingNing