賭王粉紅旗袍贈誰? - 李八方

  賭王粉紅旗袍贈誰? - 李八方

富豪訪京團喺北京鬧得熱烘烘,賭王何鴻燊可謂最識利用時間。佢噚日趁空檔,經過北京飯店一間叫「楊貴妃」嘅旗袍店,即刻一個箭步衝入去,專睇店內嘅粉紅色旗袍(圖),重睇咗好多件。
有人聽到佢講,話要買件旗袍畀「欣欣」。八方都估咗一大輪,只知陪佢上京嘅四姨太有個大女叫超盈,真係冇聽過有位千金叫「欣欣」,抑或係買畀紅顏知己?呢樣真係要燊哥自己先知。
本報記者北京傳真



傳真︰2623-9278
電郵︰[email protected]