張栢芝和劉德華主演的電影《大隻佬》前晚舉行首映禮，栢芝因工作缺席首映。中國星老闆娘向太陳嵐表示近日與栢芝再加簽片約，現在栢芝尚欠她十幾部電影。向太又力撐栢芝並不大使，她亦沒事先給片酬栢芝，以免她先使未來錢。
劉德華、中國星老闆向華強及太太陳嵐、張栢芝父親鬍鬚勇、陳綺薇和張堅庭等，前晚在金鐘出席電影《大隻佬》首映禮。
栢芝是《大》片的女主角，可是昨晚卻缺席首映，向太說：「佢一早傾咗登台。」對於有報道指栢芝行為失常，向太力撐說：「佢係好正常嘅女仔，買名牌又話佢嘥錢，買平嘢又話佢冇錢，唔通匿埋唔出街，我唔覺佢需要男友。」
近日有報道指栢芝的經濟出現問題，而向太昨日則表示本來跟栢芝只有六、七部片約，但現在加至十多部，她說：「大家傾咗覺得有需要咪簽多啲畀公司，我怕佢愈來愈貴，鍾意咪簽。」那向太是否已預先給栢芝片酬，她說：「冇喎！佢好豪爽，費事佢先使未來錢。佢夠錢用，冇問我攞錢，佢好乖女。」
此外，華仔對於寰亞老闆林建岳以每套片一千萬片酬包梁朝偉拍十部片之說，他謂：「我都同佢簽咗兩年四部戲，《魔幻廚房》係客串唔計在內，我覺得偉仔唔同我，佢拍藝術電影，歐洲同日本都有片商鍾意，一千萬有佢嘅價值。」有指華仔的片酬為八百萬，他說：「我除咗片酬重有分紅。」
而華仔前晚戴了一枚鑽戒，問他可是婚戒時，他否認說：「我隻戒指戴咗好多年，係○一年演唱會完咗買嚟獎勵自己。當年我咁啱見到碧咸都戴咗一隻，我咪學佢囉。隻戒指大約十幾萬，係卡地亞，我求婚會買隻過百萬嘅先求婚。」
華仔又榮膺「2003香港國際影視展」最受買家歡迎的男演員之一，他表示有興趣與最受買家歡迎的女演員楊紫瓊和楊千嬅合作。
採訪：魯萍
攝影：陳志嵐
