吳鎮宇去年十二月跟拍拖四年的新加坡女友王麗萍結婚，婚後在不用開工的日子，他會陪太太出埠旅行，在港時又會陪太太行街、睇戲、食飯，生活看似平淡，但其實洋溢着幸福感覺。
揚言極度喜歡小朋友的鎮宇，婚後努力造人，問他進展如何？他笑說：「趁放假，努力中。」問他打算孕育多少愛情結晶品？他說：「最好兩次生三個小朋友，其中一次係孖嘅就最好。」
鎮宇是一個很自我的人，他對於所演的角色會百分百投入，正因如此，他會愛上戲中女主角，但戲一拍完，他會即時抽身，他說：「你去演一個角色，梗係要投入去演，拍愛情戲，對個女主角就梗要關心對方，不過一拍完，我唔會再孭套戲上身。」
鎮宇還表示自己是一個獨來獨往的人，不會主動聯絡朋友，閒時喜歡一個人四處閒逛，四處觀察別人，有時會突然無緣無故地笑起來。哪鎮宇可有聯絡舊女友李婉華？他即說：「佢喺加拿大吖嘛，但我都講過我唔鍾意主動搵人，我好怕第一句要搵話題，我係要有目的先搵人，例如借錢就打去借錢咁。」
撰文：馮美茵
攝影：甄朝健
髮型：Boffy（CHIN.G）
場地提供：Aluminium
服裝提供：連卡佛