兩度進行骨髓移植的血癌病人黃詩蓮，近日再度傳來第二次復發的噩耗。「剛剛出咗骨髓報告，醫生話我對上一次嘅骨髓移植失敗，𠵱家身體裏面有超過百分之七十五嘅癌細胞，聽到呢個消息，成個腦都空白晒。」憔悴不堪的詩蓮聲音抖顫地說。
由於情況並不樂觀，詩蓮已打算日內回鄉一趟，探望兄弟及高堂。「如果呢幾日精神啲，我好想返鄉下探吓屋企人，我怕遲啲冇咁嘅機會。」惟詩蓮表示，雖然病重，卻沒有打算放棄，她和醫生商量後，已決定稍後展開第六次化療，期望控制癌細胞的數目後，進行第三度骨髓移植。詩蓮眼泛淚光地對記者表示：「我知咁樣做會好危險，亦都驚自己捱唔住，但我真係唔甘心，好唔捨得呢個世界，好想再博一博。」
二十九歲的詩蓮，前年六月旅港期間，赫然發現患上急性血癌，生命危在旦夕，急需入院治理，情況一直反覆。詩蓮在港舉目無親，過去一段日子全賴善長慷慨捐輸維持生計，對於他們默默獻出的關懷和支持，詩蓮深表謝意。
「我真係好衷心多謝各位善長仁翁同《蘋果日報》一直咁支持我，冇你哋嘅幫忙，我可能一早已經唔喺度，無論最後結果係點，你哋都係我嘅大恩人。」
蘋果日報慈善基金了解過詩蓮的需要後，日前已撥款五千元助她達成回鄉心願，並支持她繼續抗癌。 捐款編號：C0330
暖流熱線
電話:29908688
傳真:23702192
電郵:
網址：