世事安排有時都幾巧妙，因為縮短投票時間搞到俾人狂鬧嘅選管會主席胡國興大法官，噚日向一班參加咗青年社會領袖課程嘅中學生演講，主題正係「公平．公正．公開的選舉」。
好彩！胡官之前趕得切從善如流收回成命，因為噚日已經有個學生質問胡官點解前後有咁大轉變。如果胡官好似特首7.1時咁死撐成個星期，噚日肯定上演更精采好戲。
呢百二名參加青協會活動嘅學生，未來兩個月會分批義務幫不同政黨拉票、洗樓。噚日有個女學生問胡官，如果自己唔認同幫助嗰個政黨，可唔可以喺拉票時同選民講。胡官話「倒人米」、做吳三桂唔係咁好，如果唔清楚實情，可以話「我嚟學嘢咋，唔知咁多。」
（圖）王䓪鳴同胡官帶領一班學生做投票手勢，點知做出嚟兩邊啱啱相反。
傳真︰2623-9278
電郵︰