陳文媛（BoBo）前晚出席浸會大學會堂舉行的「群星Magic開學典禮音樂會」，提到陳冠希（Edison）傳聞追求2R，再度被封為「𠝹女王」時，BoBo即為緋聞男友抱不平說：「係咩？都唔係第一次咁傳㗎啦，點解唔去欣賞人哋做嘢一面啫？」
日前有報道指朱茵不滿BoBo遲到，但及後朱茵已親口否認，對此BoBo笑說：「我一早話朱茵好大方㗎啦，係啲傳媒夾硬寫之嘛。」有傳Stareast因為要力谷BoBo，而將李蘢怡（Tiffany）近日的工作全部押後，BoBo否認其事，指Tiffany近日又拍電影又做旅遊大使，工作量未見減少。
2R前晚亦有份出席音樂會，對於有傳陳冠希（Edison）追求她們兩姊妹，妹妹Race即否認說：「冇啲咁嘅事，我哋拍《當四葉草碰上劍尖時》傾吓偈，好正常之嘛，我同其他人都有傾偈啦！而且佢（Edison）都冇問過我攞電話。」
此外，2R昨日在牛頭角出席活動，她們透露七十六歲的外婆在新加坡病重，遂即向唱片公司請假，今晚飛回新加坡探望外婆，Race說：「我哋都未知幾時返香港，所以公司同我哋講話唱片要無限期延遲推出，我哋都好擔心婆婆，希望佢見到我哋會快啲好番。」
採訪：李珮洳
攝影：陳偉權