中文大學嘅MBA甚有江湖地位，佢哋一直有搞學長計劃，即係由一個做緊嘢嘅猛料師兄師姐帶一個師弟妹，一對一傳授實際經驗。
八方聽聞，個計劃有意擴大嚟搞，暫時搵到三十二個行內有頭有面嘅師兄師姐出馬，包括東亞銀行嘅彭玉榮、新鴻基地產黃奕鑑、永富容器嘅羅富昌、冠軍科技嘅簡文樂、滙豐銀行關燕萍；高官都有，就係公務員事務局常秘黎高穎怡，剛辭去房委會主席嘅鍾瑞明等，總之個個都係經驗豐富嘅人物。
至於參加計劃嗰班師弟妹，當中竟然有二十五人來自祖國，比起本地嘅十九人還要多，你話啲國內同胞幾拚命爭取學習機會呢。
傳真︰2623-9278
電郵︰