甲：點解選委會要縮短新一屆區議會的投票時間3小時？乙：因為縮短時間可以節省資源和金錢。甲：那為甚麼政府又會用8000萬幫維港個show包底呢？乙：用8000萬就能在全美做一場1小時的廣告，很抵啊。甲：咁選舉縮短3小時就是可以慳2憶4千萬啦？
乙：不能，因為維港個show其實是做很多日的，總之用8000萬宣傳香港很着數啦！甲：咁啲區議員選了出來重玩得長啦。
乙：第二個原因是早啲完可減少對附近居民的滋擾。甲：有甚麼滋擾？乙：有啊，啲議員贏了之後會大聲慶祝。甲：叫佢地細聲啲得唔得？乙：好難，因為贏得出都應該係唔聽話嗰班。
甲：好簡單，叫啲人選聽話嗰班咪得囉。乙：更難，因為唔聽話嗰班最多係滋擾人幾個鐘，但係聽話嗰班會滋擾人幾年，啲選民唔會咁笨。不過重有一個原因。甲：係乜嘢？
乙：有六成意見書贊成縮短選舉時段至12小時。甲：總共收回幾多份？乙：很多，有110份。甲：咁選委會阿胡官又幾民主喎，不過當然啦，佢是幫民主派的。
乙：何出此言？甲：𠵱家所有人都覺得新選舉安排對民主派不利，嗰啲中間偏少少民主派的選民，一定會覺得天降大任，到時一定會大舉出動投民主派一票。乙：吓？咁胡官不是捉蟲？怎辦？甲：簡單，叫佢倒轉延長選舉時間，有咁長得咁長。乙：咁政府點解釋？甲：你果然係無知，乜香港政府是有嘢解釋不到的嗎？