近年忙於拍西片賺美金的周潤發，已甚少在港公開場合露面，昨日他在尖沙嘴出席美容產品宣傳活動，更將所得的五百萬酬金全數捐給「啟勵扶青會」，幫助青少年。
周潤發昨日在尖沙嘴出席Kiehl's美容產品宣傳活動，並為「啟勵扶青會」籌募善款，據悉發哥更將是次出席活動所得的五百萬酬金，全數捐給該會。記者昨日致電發嫂求證，她說：「發仔今日所得嘅全部酬金係捐咗畀『啟勵扶青會』，但數目幾多我就唔想講，因為涉及商業秘密。」
對於慷慨將酬金全數捐出，發哥昨日在會場中說：「『啟勵扶青會』係一個幫助青少年嘅組織，而小朋友係社會棟樑，所以幫呢個會籌款係有意思，希望大家亦可以支持。」
下月初發哥會到禮賓府接受特首董建華頒發銀紫荊星章，對於不少市民都批評董建華，記者問發哥對特首表現又有甚麼評價？他說：「董生需要放假啦！佢都兩年冇放過假，實在需要休息。做特首咁辛苦，我自問就冇呢個魄力，又唔夠馬英九靚仔，點可以做領導人呀！」
提到好友梅艷芳患子宮頸癌，發哥表示目前並未有與對方通過電話，不過他在電視上看到阿梅精神不俗，心情看來頗為開朗，他覺得很放心。繼阿梅患癌後，成龍亦發現自己甲狀腺有腫瘤，記者問發哥近來身體如何？他說：「每年我都有去做身體檢查，基本上冇乜大礙，平時我又有耍太極同打坐，我都好注重身體。」
明年四月發哥將赴美拍攝愛情片《SophieandtheRisingSun》，有傳女主角是戴安蓮，發哥說：「美國經理人公司𠵱家搞緊合約，好多嘢我都唔係咁清楚，據我所知女主角重未定好嘅。」
採訪：魯萍
攝影：陳志嵐
