呢個禮拜有唔少Game出，PS有《MAXIMO》、《DEARBOYS》、《少女義經傳》、《EUROPECOLLECTION》同埋《足球監督FF》等，而香港早出成個星期嘅《猛將傳》就更加唔使提啦，但係衰就衰在無一隻可以呼風喚雨，淨係隻《少女義經傳》初回限定版響日本叫做去得掂，間間舖頭就放嗰隻《劍神》做重點推介，可惜我由出咗到𠵱家都從未見過有㗎仔買。鬼咩，我當佢個遊戲性真係合格吖，佢要人用差不多二千日圓，去買佢嗰個特製火牛先用到濕電就已經夠麻煩啦，計番港紙成百二蚊個火牛，我去食十日吉野家下午茶好過啦！上個星期響秋記ASOBITCITY唔聲唔聲咁又搞咗個PS2《惡魔城》同埋《超兄貴》試玩會，好可惜啲Promoter個個都口黑面黑，搞到冇乜人埋去試玩。
文：貓仔RYO