今日四十二歲生日的劉德華，昨日在旺角宣傳新片，活動尚未開始已吸引了數百巿民圍觀，警方擔心場面混亂，要求大會將戶外宣傳移師到室內進行，大會被迫拆掉戶外舞台。華仔又大讚栢芝在新片中表現不俗，以闢不和傳聞。
劉德華今日四十二歲生日，他昨日在旺角出席電影《大隻佬》賜印會，雖然大會事前已向警方申請舉行活動，可是活動未開始已吸引了數百人圍觀，警方為防場面混亂，除安排一輛警車在現場戒備外，還要求大會腰斬戶外活動，賜印會被迫移師室內進行。
大會安排在旺角行人專用區搭台舉行活動，但在開始前已有數百人圍觀，警方遂要求大會把活動改在室內舉行，戶外的舞台被迫拆掉。華仔到場後說：「可能警方想見吓我呢個劉Sir，其實佢哋都唔使咁擔心，我之前都喺旺角搞過簽名會，都控制到場面，只要安排周詳就唔使擔心。不過警方都係以防萬一，一個人有事都唔好。」華仔之後為約五十名歌迷蓋印。
對於有報道指華仔因為不滿張栢芝的工作態度，所以日前與栢芝宣傳時，華仔故意遲到，以便縮短彼此的見面時間，華仔說：「咁樣講對栢芝唔公平，完全冇咁嘅事，我嗰日盡快趕去，但因為栢芝有事，佢做完咪走先，我覺得唔好講到人哋咁。」
問到華仔覺得栢芝在《大》片中表現如何？他說：「杜琪峯創造咗新鮮嘅栢芝，佢喺戲中嘅表現好好，大家睇戲就知道。」華仔今日生日，他表示會留在家中度過。
此外，華仔的契女鄧肇欣和天幕新人張穎康昨日出席新城的「愛德華．愛香港」活動，二人跟一班學生特製了一張生日卡，準備在昨晚的《大隻佬》首映上送給華仔。鄧肇欣表示送了皮手鈪給契爺做生日禮物，而張穎康則送了汽車擺設。
採訪：魯萍 攝影：陳志嵐
