唐唐自從上位當財司之後，八方噚日第一次見到佢，當然要恭喜一番，讚佢腳頭好，點知唐唐好客氣，猛話唔關佢事，至於最近個市日日猛咁升，連啲小姐太太都炒埋一份，唐司長擔唔擔心？
佢笑笑口咁話，的確有姨媽姑姐齊齊入市，的確有散戶入市，可能香港正面臨一次轉勢，但轉乜嘢勢佢就冇講清楚。
至於重有冇炒家炒港元？唐唐冇正面回應，只係笑住話佢知道嗰日有人輸咗大錢。但一講到點解決財赤，佢都有啲眉頭皺，話要大家齊齊努力。
唐唐噚日戴咗條紫色龜仔呔出席國慶酒會，佢話係自己揀嘅，冇乜特別意思，紫色屬大紅大紫嘅當發顏色，龜代表長壽，直情fit晒。
大家咁好傾，如果唔係新聞秘書羅志康話佢老細要趕幾場，睇怕唐唐都有排唔使走。
（圖）戴咗條紫色龜仔呔嘅唐英年，喺國慶酒會上搶晒鏡。
傳真︰2623-9278
電郵︰