「大胸未必好，唔着好過着」
林建名細賞T-back女自嘲唔得

曾在報章大談性史的林建名前晚單拖欣賞內衣騷，當穿上性感內衣的模特兒埋身派發T-back內褲時，他表現得十分焦急，當他收到T-back後，立即拆袋細心鑑賞。他又透露近來受偷車事件困擾，無心約會女伴，更笑言自己可能是性慾退減。

內衣名牌Wolford、P2等前晚在中環舉行○三秋冬內衣展，吸引趙世曾前妻TerriHolladay和吳婉芳等捧場。曾經在報章大爆性史的林建名單拖到場，坐在第一排的他近距離欣賞穿上性感內衣的模特兒行騷。

「內衣增性趣」
面對肉香四射的模特兒，林建名表現克制，不過當性感模特兒大派T-back內褲給嘉賓時，他苦候多時仍未見靚女埋身，焦急得左顧右盼。其後當他接過T-back內褲，更除下眼鏡細心鑑賞。
問林建名送T-back內褲給誰？他說：「男裝嚟㗎，我自己着。𠵱家我冇女友，睇中靚衫都搵唔到人着畀我睇啦。」他又發揮口沒遮攔的本色，大談追女經，他說：「着靚內衣可以增加性趣，中國女仔都有啲好身材嘅，不過平均就得啦，大胸唔一定好。」

「鹹濕冇風濕」
問林建名喜歡女友穿甚麼款式的內衣？他說：「梗係唔着好過着，着乜嘢到最後都係冇着啦！」
問林建名可覺自己鹹濕？他說：「唔覺喎，正常男人諗嘅嘢啫！好似賭王（指何鴻燊）話齋，我都希望自己鹹濕啲，可以冇風濕。」前晚不見林建名帶女伴到場，他笑言自己快「唔得」，性慾減退，他說：「呢排我諗住架車，都冇晒心情囉！」林建名早前被偷車賊偷去七人車。
而Terri與男友Paolo一同睇騷，她笑言：「男友最鍾意我乜都唔着，佢好鍾意睇內衣騷，睇完急不及待帶我返屋企。」
採訪：RitaLeung
攝影：ChanChiLam