每年九月尾，各大小社團就排住隊開國慶酒會，特別幾個大團體，好似中總、廣東社團、潮州社團等國慶酒會，各大孖沙、中聯辦高官、特區政府一眾高層，無不發表指導性講話，但今年唔知係咪像七一搞到冇晒癮，定係沙士三百條命，未消哀慟，個個惜字如金，政協副主席霍英東固然封口，中聯辦主任高祀仁俾記者追問三日都不發一言，連班大大孖沙都玩失蹤，各大小國慶酒會唔見人，好似噚日廣東社團個國慶酒會，連人數都少咗。
有愛國愛港挺董人士話，阿爺表面力撐阿董，但內裏暗風點吹，人人都係索吓索吓，特別係睇見霍老喺阿爺表態後，都只係好含蓄係演詞講番句「支持董建華領導的特區政府」，當日高呼「我挺董」豪情已經一掃而空，一眾凡夫俗子，自然要睇定風頭，無謂喺記者面前講錯嘢。
（圖）阿董點睛，中聯辦主任高祀仁（右三）拍晒手掌。
傳真︰2623-9278
電郵︰