鬼屋，明知裏頭沒鬼，卻永遠受歡迎。
踏入鬼門前，你會心跳加速，刺激，緣於你不知何時會遇上機關、撞到鬼怪，更不知何時可以走出鬼屋。萬聖節下個月才到，但海洋公園的大小鬼屋已經搶先落成恭候。入鬼屋例牌「We嘩鬼叫」被嚇餐飽似乎唔夠新意，今年不妨搞搞新意思，學學佢哋玩反串，扮鬼嚇鬼屋內的鬼，睇睇你驚定鬼驚。
記者：陳漢榮 攝影：伍慶泉
模特兒：Holly、BoBo、Dennis、Jack（SunSpot）
化妝：OliviaLiu（SoImage81112891）
逢星期一、三至五出版
話明扮鬼，當然要化個鬼妝，各人自選鬼樣。BoBo貪靚，寧做豔鬼：「我唔要爛晒面嗰隻，畀對妖眼我就得嘞。」Holly選擇做紙紮公仔：「面上嗰兩個圓圈，要紅啲喎。」Dennis要求簡單直接：「一句講晒，七孔流血慘死Look。」Jack是最遲表態的一個：「化得我惡死啲，化到我對眼發瘀發紅喇，咩呀？擺明同裏面啲鬼鬥嚇嘛。」
「出發！」化好妝，二男大喊：「等陣一見到啲類似鬼又唔似人嘅物體，即刻大嗌！」二女又要驚又要玩：「知喇，嚇番佢哋轉頭嘛，我哋兩個女仔唔會縮沙嘅。」
Holly與Jack先闖鬼酒店，行至接待處，接待員如蠟像般動也不動，突然又失驚無神用英文一輪機關槍般大嗌，Holly還來不及反應，旁邊櫥窗又閃出白衣女鬼，一飛上天。再走，畫中鬼現身，最後是變態殺人廚師玩斬頭……可能未熱身關係，加上機關多驚嚇位又多，眾人嚇鬼不成反被嚇，失敗！
易迷路，全屋都是鏡子，陰暗影像反射再反射，路似有還無，疑幻似真，BoBo與Dennis玩得步步為營，更遑論要嚇鬼了。兩隻連滾帶爬的怪獸，不怕事先張揚給二人看見，因為他們看到的只是鏡中倒影，當爬到二人身邊，有身體接觸時，BoBo立即就嚇得大叫，比較大膽的Dennis，也嚇得急閃，無暇護花。
入屋前要戴3D立體眼鏡，驚嚇效果會更逼真，事前4人商議：「最後一個機會喇，今次幾大都要嚇番佢哋轉頭。」入屋，見一身和服的日本女鬼，眾人向她大喊，無反應，無癮離開之時女鬼反而大嗌，登時雞飛狗走，再進是時光隧道，Holly見暈：「嗰隻鬼唔恐怖，反而四周圍係咁轉，轉到我頭暈，差啲企唔穩。」
地點：海洋綜藝廣場及高地
日期：10月3日至31日逢周五、六及日
開放時間：5:30pm至11:00pm
鬼屋入場費：$40
查詢：25520291
