八方噚日剛講過央行評級，今日講下集。事緣上周首次以人行行長身份出席金管局演講活動嘅周小川，當晚講題為循序改革，周行長講咗接近個半鐘，由於講得玄妙又學術，好多與會嘅財經界人士都一頭霧水。
同為金融貨幣政策掌門人嘅金管局總裁任志剛，不愧為行長知心人，噚日喺佢嘅觀點專欄內，解讀周小川當晚引述嘅「帕累托最優化」理論（ParetoOptimality）後，大家對艱深嘅經濟理論當堂豁然開朗。
任總指周行長認為大刀闊斧式或休克療法等改革路向，不符合長遠利益；達致意大利經濟學家帕累托嘅最優化境界，過程應該係漸進式。任總重引自己行山經驗、登頂時山勢困難同埋如何倚路徑前行，嚟解釋當晚周行長嘅凹、凸集假設同路徑依存論。
套用有關理論到現時爭議最多嘅人民幣升值問題，任總認為人行已經做咗唔少工夫，應付大量資金流入嘅情況，結論？當然係不必喺目前於滙率層面犯險。
傳真︰2623-9278
電郵︰