百佳超級市場一顧客，早前在小西灣藍灣半島百佳超級市場購買一個飯盒作午膳，飯餸內竟藏有一條兩厘米長鐵線，因而刮傷口腔流血。百佳超市稱今次只屬個別事件，會徹查事件。
「我真係冇諗過食緊個飯盒時，會有鐵線刮損個口，話晒都係喺百佳超級市場買番來，應該有品質監控嘛。」蘋果讀者梁小姐稱，她在藍灣半島百佳超級市場買一個價值九元九角豬肚盅頭飯作午飯，但不料食用期間，口腔突然被硬物割傷流血，她立即將飯餸吐出，赫然發現豬肚內竟內藏一條兩厘米長鐵線。
她說，當天即時取飯盒回超市投訴，但職員只着她放下飯盒以便調查，但並無任何解釋。她等候至傍晚時分，再折返超市查詢調查進度，但職員竟覆稱，只會賠償飯盒價值，但始終並無給予任何解釋。「現在唔係賠幾多錢問題，而係點可以冇件事咁，乜都唔交代、唔解釋就算㗎。食物出事真係可大可小㗎。」她見超市未有積極跟進，遂轉向本報投訴。
百佳超級市場公共關係經理彭秀群函覆本報稱，由於未能取得實物作調查之用，根據顧客所提供相片推測，在飯盒內硬物，應是硬皮紙盒的鐵線釘，百佳超市的品質監控部，已即時跟進事件，檢查過出售該款菜式的熟食檔、店舖內食物加工用的材料，均無發現任何類似的鐵線。
覆函稱，超市亦曾派人往豬肚供應商的廠房調查，發現廠房內部設有金屬探測器，並且運作良好；在處理食物的廠房中，亦無發現任何類似的鐵線。
為作預防，百佳超級市場已在接到梁小姐投訴後當日，即時停止售賣該款菜式。因超市未有收到其他顧客類似投訴，故相信今次只屬個別事件，超市客戶服務部於當日已即時聯絡梁小姐安排退款，並會徹查事件。
本報亦已將投訴轉介食物環境衞生署跟進。
梁小姐事後向記者表示：「我喺食緊舊豬肚時發現有鐵線，邊有可能係紙皮盒鐵釘跌落呀。而且我一發現有鐵線就畀番個飯盒百佳，個飯盒喺佢哋手都大半日，點可以話冇實物嚟調查，話只可以憑相片推測，咁即係證明佢哋當日根本就冇乜點跟進過。」 （○九二三○四八）
服務熱線
電話:29908288
傳真:23702192
電郵:
