家福道：
超市美食節掃至筍印度貨

任職秘書的Dora，是典型的OL，平日買菜十次有十次都是幫襯超巿，並不懂往街巿裏鑽。Dora除貪大型超巿乾淨、舒服兼樣樣有之外，更不時留意甚麼美食節之類，發掘來自世界各地的特色新食物。今期碰上「Great亞洲美食之旅」，便又急不及待往掃貨，其心水之選有以下的印度美食。

記者：吳佩璇　攝影：陳智良
逢星期一至五出版

在加拿大生活了8年的Dora，直至去年才回流返港。在外國生活慣了，連口味也變得西化，不過更多的時候其實愛煮中、西夾雜的Fusion菜，因而買菜的地方也首選貨品種類國際化的大型超巿。

愛「Super」Market夠方便
回港後這一年來，因就近工作地點的關係，Dora都專一地幫襯「Great」，一般每星期Shop兩、三次。最愛幫襯的是生蠔：「我覺得呢度啲生蠔好靚好新鮮，有時放工懶煮飯，就會買生蠔加啲壽司當晚餐。花費約千零蚊，約每星期『豪』一次當獎勵自己囉！」一家三口的Dora，有時又會在這裏買完隻燒雞（約$80），再烚些菜，便是經濟簡單的一餐。除了這類方便餸，還有許多半製成的材料，最為方便如像她工作繁忙的上班族下廚。

酸辣香印度鮮蝦咖喱$80
利用剛才選購了的正宗印度咖喱醬，很容易便可炮製一道地道的印式咖喱。Dora示範的這個印度咖喱，傳統上是配雞或海鮮來煮，今日她就揀了來自菲律賓、肉質更彈牙的虎蝦來入饌，再配她愛吃的烤包。這個咖喱的激辣程度可說爆燈，故她稍做手腳，加了少許類似Yogurt的汁料──QuarkCheese，令味道變得柔和一點，更適合大部份人的口味。

用咩料：
虎蝦 150克
Patak's咖喱醬 4茶匙
QuarkCheese 2茶匙
烤包 1塊
薑絲 少許

好易煮：

亞洲美食　Dora心水推介

首度登陸傳統印度烤包
Dora行過貨架一見英國品牌Sharwood的傳統印度烤包，即愛不釋手：「我喺外國都有聽過呢個牌子，佢出嘅印度烤包今次係第一次到港。我本身好鍾意食包，而烤包就咁叮熱食又得，或者煮其他咖喱汁配食都得，方便又有變化。」（有原味、全麥、蒜頭、番茄等口味）

夠正宗印度咖喱醬
行吓行吓，Dora就真係想煮個咖喱汁來點烤包食。她便選了「Patak's」的咖喱醬：「呢個牌子Sell健康，成份係菜油、黃薑粉咁。不過我最鍾意佢夠正宗，聽我啲外國朋友講呢隻酸辣味嘅咖喱醬，係好多印度人食餐時都會用，味道夠濃夠激，唔似泰式咖喱咁Mild。」

不含防腐劑天然小食
大部份OL都愛食零食但又怕肥，Dora也不例外，故揀零食時她必選天然用料製成的。像Rasna印式小食，標榜由植物油製造兼不含防腐劑，Dora遂買來一試。（有香荽炒脆豌豆粒、咖喱麵卷、香蒜炒花生等不同口味）

地道印度食品
今期超巿正進行亞洲美食之旅（由即日至10月19日，於GreatPacificPlace及GreatFestivalWalk舉行），引入印度、泰國、馬來西亞、日本及台灣等地的地道美食。外表斯斯文文，實則相當為食的Dora，第一時間便看看有甚麼好吃。其中最吸引她的是印度食品：「可能自己口味偏向西化，加上地道嘅印度香料同食品，相對日式或泰式嘅難搵，所以今次就買咗比較多印度嘢。」

巨型酒窖過2千種酒任揀
Dora本身雖不好杯中物，但她卻喜歡逛這裏的酒窖，因有成2千幾種酒款，遇有節日或朋友生日，她都會買支酒作為送禮。碰巧今日心血來潮想整印度咖喱，她也順便揀了支來自澳洲的WynnsRieslingCoonawarraEstate2002白酒來襯激辣的印度咖喱。此酒果味柔和，口味清新，嗒落有檸檬、蜜糖及花香，幾啱女仔飲。