利嘉兒和很多女孩一樣，喜歡收藏公仔，其中Jenny和Blythe公仔更是她的至愛，閒時她會為她們換衫和梳頭，平均每季更花上數千元買衫及飾物幫公仔扮靚。
外表嬌滴滴的利嘉兒，其個人珍藏品和她的外形非常接近，便是公仔Jenny和與她有幾分相似的Blythe（俗稱B女）公仔。利嘉兒表示在六歲擁有第一個Jenny公仔，她日前向記者回憶着說：「個Jenny公仔係媽咪送畀我，當時我覺得佢眼大大同埋啲衫好靚，但之後因為搬屋關係唔見咗，令我冇咗一個咁有紀念價值嘅公仔。」
利嘉兒表示目前收藏了接近二十個Jenny，價錢由每個二百元至千多元不等。至於另一至愛B女，尺寸大的有兩個，而比較細小的有二十個左右，利嘉兒說：「B女係我呢兩、三年先開始儲，因為最初喺上網見到，我覺得佢眼大大同我個樣好似，重有佢啲配襯飾物好靚。但當時香港冇得買，訂就要好貴，我又唔捨得，不過呢兩年香港已經有得買，價錢重平好多，所以開始買好多。」
問她平時會如何打理她的至愛公仔？利嘉兒笑說：「我會將佢哋密封後收埋，唔會成日拎出嚟，因為驚多塵，但一有時間就會同佢哋換衫同梳頭、抹身，啲頭髮都要保養，否則好易打結。」
為了令Jenny和B女時常以不同形象示人，利嘉兒每季會花數千元為她們買衫及飾物配襯，務求令她們日日夜夜都打扮得漂漂亮亮，利嘉兒笑說：「人未換季，就要幫佢哋換季，我花咗咁多心機，所以多多錢都唔會割愛出讓㗎。」
採訪：馮美茵
