黃智賢（Ben）與其圈外女友拍拖十四年，近日他決定與女友於明年中拉埋天窗。
Ben日前接受本報記者電話訪問時說：「我哋想喺出年年中結婚，但應該都係飛去第二度，註冊完去埋旅行至返嚟同大家講。我哋唔擺酒㗎啦，之前自己都參加過好多同行嘅婚宴，覺得擺酒都幾攰，所以都係從簡。」
Ben自離無綫後，近年不停拍內地劇儲老婆本，他表示收入比無綫時期賺多了，而早前他更在上海拍竣與吳倩蓮合演的內地驚慄片《天黑請閉眼》，下月初他則起程到銀川及無錫，與張智霖合作拍攝三十集古裝劇《逆水寒》。
提到近日有不少小生回巢無綫，未知他會否考慮返娘家效力？Ben說：「之前都有同無綫傾過，但傾傾吓不了了之，有啱嘅都會繼續傾㗎。」
採訪：朱倬誼