李蘢怡（Tiffany）早前遠赴法國拍攝新一輯纖體廣告照，穿上三點式泳衣穿梭街頭，大擺誘人甫士。Tiffany表示滿意現在35、25、35的三圍數字，並謂自從纖體成功後，自信心大增，日前更大破慳囊，花上數萬元購買一大批性感新裝，準備大騷「哥利」。
李蘢怡日前隨攝製隊到法國為修身堂拍攝新一輯宣傳照，穿上三點式泳衣在法國巴黎街頭取景，吸引不少途人圍觀。
Tiffany表示滿意現在35、25、35的身形，她日前在電話中說：「我覺得一個人嘅外表好影響自信心，尤其以前，我好驚人哋將焦點放喺我個patpat度，不過𠵱家減肥成功，我就冇有怕，相反重歡迎大家任睇唔嬲，自信心增加咗唔少。」
Tiffany為了獎勵自己，日前花了數萬元購買一批新裝。問Tiffany這批新衫是否很性感？她說：「都有啲係性感款式，因為我覺得最緊要着得我靚，只要望我嘅人係用欣賞同友善嘅眼光，我絕對歡迎。」
Tiffany的緋聞男友EO2成員Otto曾表示若Tiffany是其女友，就不想她經常穿泳衣拍廣告，怕被人看蝕，Tiffany並不認同，她說：「我唔認同，人靚係可以直接同間接增加信心，我呢次真係好多謝張玉珊，佢將我全身改變，直情係我嘅救命恩人咁重要。」
問Tiffany在巴黎拍外景時有何趣事？她說：「我最初喺街頭着泳衣影相都唔慣，但好彩法國係一個好開放嘅國家，途人只當我係模特兒，眼光唔會猥瑣，我影咗一陣就習慣晒㖭。」
採訪：比華利
