朱茵昨日往商台接受直播訪問時，透露她自資的第二隻個人大碟《迷戀》將於今日推出，並會首次在紅隧口刊登大型海報。朱茵說：「我都係第一次喺隧道口掛海報，聽日會揸車過海去睇吓，今次隻碟投資兼宣傳預計要一百萬，可能會加多少少。」
問到朱茵會否與男友黃貫中合唱時，她說：「呢樣冇諗過，通常得我哋兩個人時就會唱，公開唱就未試過。」
此外，近日有報道指陳文媛出席一個公開場合時遲到，令朱茵感不滿因而炮轟對方不專業，對此朱茵昨回應說：「當日全部報紙都唔係咁寫，只得嗰本雜誌係咁寫，我覺得同事實相差太遠，識我嘅人都知我嘅為人，我又憑乜嘢資格去話人吖，我自己都試過遲到啦。」
採訪：胡比