陳慧珊（Flora）和郭晉安昨日在旺角為無綫劇集《隔世追魂》拍外景，講述Flora坐輪椅與安仔逛商場。未埋位時，安仔拉着坐在輪椅上的Flora轉圈玩耍。
Flora說：「我覺得坐輪椅嘅人好堅強，平時啲人望佢哋，視線一定會向下望，咁樣唔多唔少都有啲歧視，我覺得要尊重佢哋。頭先見到一對公公婆婆拖住手行街，人哋可能覺得普通，但我覺得好恩愛，好浪漫。」
Flora十一月便與無綫滿約，現正與公司傾續約問題，她表示有不少公司向她招手，但對於去留不願多談，Flora說：「無綫開出嘅條件好好，我亦還咗少少條件，𠵱家等佢哋覆。係有其他公司搵我，唔講住，因為重同無綫傾緊，要尊重佢哋。」
採訪、攝影：王連連