「每個人坐呢個位都難」
馮國經千金撐父親做特首

法國名牌Celine前晚舉行手袋義賣活動，機管局主席馮國經的長女馮詠儀偕夫婿出席，支持善舉。一直盛傳馮國經有意參選第三屆特首，馮詠儀表示支持父親任何決定。

法國名牌Celine前晚在金鐘太古廣場舉行BoogieBonheur手袋慈善酒會，機管局主席馮國經的長女馮詠儀與丈夫林詩祺雙雙赴會，其他嘉賓包括任葆琳、模特兒陳沛嘉及港姐姊妹花水明琪和水明璐等。
馮詠儀透露現於家族公司利豐任職財務投資部門，她說：「以前做Ferragamo公關四圍行要用力，𠵱家就用腦。」最近盛傳其父馮國經銳意競逐下一屆特首，問她是否支持？她說：「我哋見面都唔會講呢啲嘢，不過daddy做乜嘢我都支持，大把人叻過daddy啦，報紙都提過好多人有興趣㗎。」

「盡晒力就得」
馮詠儀又認為稱職的特首是可領導香港度過難關，問她董特首是否表現欠佳？她有所保留地說：「如果佢盡晒力就得，盡力係最重要嘅，佢都好搏啦，每個人坐呢個位都會遇到困難。」
而任葆琳近期重返校園，修讀心理學，問有否同學或教授追求她？她說：「冇乜男生讀心理學，我返學好核突㗎，唔化妝、唔着裙、戴cap帽，上年到𠵱家重肥咗十磅，好烏where㗎！不過我以前讀過嘅三間大學都喺外國，𠵱家好希望可以融入本地學府生活。」

手袋義賣籌款
BoogieBonheur手袋是為今年於法國舉行的「中國文化年」而特別推出，紀念中法友誼，結合法國時裝與中國工藝，手袋以白色麖皮製成，並由中國畫家李芳芳繪上代表純潔與光明的蓮花圖案。這款手袋全球只生產八個，香港獲分配一個，前晚以抽獎形式義賣為香港癌病基金籌款。
採訪、攝影：JessicaNgan