李珊珊昨天以一身黑衣打扮，出席在尖沙嘴舉行的「普通話行行出狀元」記者會。珊珊認為每次出席場合也要打扮得最美。她透露稍後除會拍劇集外，十一月會再與蔡瀾到日本公幹，她說：「今次會去四國，真係好吸引，平時跟旅行團係去唔到呢啲地方。相信今次一定又會破財買好多嘢，好彩儲備夠啫！」
另外，珊珊指跟蔡瀾到日本，會吃到不少美食，她說：「跟住蔡生去一定會周圍食嘢，會食得好飽，由朝到晚都食。不過我唔怕肥，因為我有嘢做就會瘦，反而坐喺屋企冇嘢做就好易肥，𠵱家好多人都鼓勵我做多啲運動。」至於男友錢嘉樂會否覺她太忙而投訴，她說：「Honey呢排忙，所以都冇話啲乜，我呢排就同洪天明同埋一啲幕後人打羽毛球多。」
採訪、攝影：王連連