陳煒在九六年參選亞姐取得冠軍，繼而晉身娛樂圈發展演藝事業。陳煒表示在童年跟一班女同學玩耍時，一直都愛玩選美遊戲，不過陳煒卻未試過在選美遊戲中「當選」。
陳煒跟胞姊相差十年，兩姊妹的感情十分要好，因為是孻女的關係，她甚得家人痛錫。陳煒童年時十分乖巧，在學校經常被選為班長或風紀，是名副其實的「風頭躉」。
陳煒在九六年參選亞姐得到冠軍，因而晉身娛樂圈，原來小時候的她與女同學玩耍時，她們都愛玩選美遊戲。陳煒日前在電話中說：「記得有一次喺同學屋企，我哋幾個女仔玩選美加冕，我就負責做頒獎嘉賓，都好得意，但我就未試過扮冠軍嗰個。」
陳煒從來都沒有想過會參加選美，但在當年不知為何突然一鼓作氣下參賽，結果竟然得到冠軍，對亞視近年停辦亞姐，她說：「其實呢個選美活動都幾好，好希望有一日亞視可以再辦。我覺得參加選美可以豐富我嘅人生經驗，令我學到好多嘢。」
陳煒自幼被父母視為掌上明珠，她說：「阿爸同阿媽成日都會帶我去內地旅行，記得有一次我哋全家人去北京玩，喺故宮撞到呂有慧，於是我咪走上前要求影相留念。不過，我都估唔到自己幾年後會參選亞姐，之後大家重喺亞視做埋同事㖭，諗起嚟都覺得大家好有緣。」
採訪：比華利
