財經事務及庫務局局長馬時亨噚晚喺國慶酒會現身，班行家梗唔放過追住問佢邊境稅重收唔收？點知馬仔又係個句，重傾緊細節。關係到稅收嘅嘢，馬仔梗係閃開，等財司唐唐同民建聯自己閂埋門傾掂佢。
唔知係咪見任志剛嘅網上專欄《觀點》夠殺食，馬仔最近有樣學樣，準備由下周起，每月寫一篇文章，講吓佢嘅工作進展，藉此同市民大眾加強溝通喎。
咁個欄叫乜名呢？馬仔個新聞秘書話要賣吓關子，以馬仔咁口密，八方估佢未必有料爆，但係處女下海，點都會捧吓場，否則畀佢搶咗個飯碗都唔知。
原來任總寫專欄都有段古，佢覺得啲評論員有地盤暢所欲言，佢冇咪好蝕底？於是就搞咗個網上地盤，個個禮拜寫一篇，任人轉載。
（圖）（左起）馬時亨、葉澍堃同王永平齊齊去國慶酒會。
傳真︰2623-9278
電郵︰