楊千嬅和黃耀明昨天在土瓜灣，為星期日舉行的「拉闊音樂會」綵排，千嬅雙眼通紅顯得十分疲倦，她說：「呢排好忙，拍戲同綵排。唱完音樂會後就去上海、雲南拍戲，導演話去到雲南會喺高山拍，重問我有冇高山症，唔知平時去太平山嗰啲算唔算呢？到時會帶埋替身去，話怕我暈可以有人替我喎！」
另外，黃耀明表示今次與千嬅表演合得來，問到千嬅唱歌表現如何，他說：「佢一向都唱得好，但如果佢時間分配得好啲就更好啦！𠵱家我哋綵排都OK！」稍後在萬聖節，黃耀明就會舉行個人演唱會，他說：「𠵱家聯絡緊關淑怡、林憶蓮同劉以達做嘉賓，但重未落實。而我好希望啲觀眾可以扮得突出啲去睇，或者扮番我之前嘅造型都得，如果扮得好就可能會送嘢畀佢。」
採訪、攝影：王連連