傳聞中民主黨向北京叩門嘅求見信，內容措辭究竟係點？
八方噚日向民主黨主席楊森借封信睇吓，信入面開門見山引述國家副主席曾慶紅早前嘅說話，話願意與香港各政黨會面；又兩次提及「希望中央領導人撥冗接見民主黨代表」。
楊森喺信中形容自己領導嘅「民主黨一直支持香港回歸祖國，以及一國兩制、港人治港、高度自治的方針」，特區政府施政欠佳，令市民大眾不滿，民主黨係以「是其是、非其非」嘅態度監督政府。
八方問過親中人士劉佩瓊，咁嘅措辭北京會否滿意？劉佩瓊一睇就話，信中冇提到支持基本法，另外民主黨中人又有部份參加咗「反中」嘅支聯會。
民主黨要破冰北上唔係咁易，除非「叩頭謝罪」，不過呢樣嘢睇怕好難發生。
傳真︰2623-9278
電郵︰