一向表現矜持的陳松伶，日前竟公然向陌生男子索取電話和示愛，還咬着兩個銀絲卷在食肆中跑來跑去，十分瘋狂。原來松松在新加坡宣傳期間跟工作人員玩遊戲，結果因為頻頻玩輸而被罰。
陳松伶日前應香港旅遊發展局邀請到新加坡作親善探訪，順道為新碟《松新開始》宣傳。松松到當地意大利名表RitmoMvndo專門店參觀時，獲該店負責人送上限量版名表一隻，令她興奮不已。
松松說：「呢個牌子嘅手表過往多數送畀荷李活影星，好似伊莉莎伯泰萊咁，我參觀佢哋專門店嘅時候，亦都見到好多荷李活藝人嘅相片，而亞洲藝人中，佢哋只係送過畀成龍，所以我真係覺得好榮幸。」
松松此行更一改以往淑女形象，當眾向陌生男子索取電話號碼，甚至向陌生男子說「我愛你」，她之所以如此瘋狂，全因玩遊戲輸了被罰所致。
松松說：「有一晚我同一班朋友去食麻辣火鍋，大家一時興起話玩遊戲，輸咗嗰個要叼住兩個銀絲卷喺食肆跑兩個圈，重要同男食客講『我愛你』，同埋問三個陌生男人攞電話，我咁大個人都係第一次做埋呢啲嘢咋，尷尬就真係幾尷尬，但鬼叫我成日輸咩，願賭服輸，冇辦法啦！」
