平治A-Class自於6年前推出以來，一直深受車迷追捧，雖然外觀上沒有作出太大嘅修改，但廠方為迎合不同用家嘅需要，就為其推出多個配用不同引擎，甚至係不同設備嘅新型號，以滿足佢哋嘅要求；而響日前，第一百萬部A-Class正式離開德國Rastatt廠房，標誌住A-Class踏入另一個新紀元。
第一百萬部出廠嘅A-Class，係一部以Comet-gray顏色出現嘅A170CDI柴油Turbo型號，而且重係長軸距版本㖭！廠方高層對A-Class能於推出後約6年時間內，就經已製造出一百萬部新車，感到十分高興及鼓舞；而廠方更安排有多個型號供用家選擇，當中包括A140、A160、A190及A210電油型號，另外重有配備柴油引擎嘅A160CDI及A170CDI等等。另外重有長陣版本供用家選擇呢！而響剛過去嘅法蘭克福車展上，廠方又展出全新Piccadilly特別版，並惹來在場車迷所注視呢！