一封來自白宮嘅信，前日寄出，收信人係董建華，信件內容係勸喻老董我佛慈悲，唔好再殺生。乜咁大件事？實情係咁嘅，膾炙人口嘅美國電視連續劇《白宮群英》裏面，飾演美國總統嘅男明星馬田辛（MartinSheen）日前去信董建華，親自指示佢禁止香港繼續出售活家禽。
喺馬田辛眼中，香港幾十年來售賣活雞嘅手法，唔止殘忍野蠻，重係累及全球嘅沙士溫床。特首辦就話，查實政府已經研究緊取締售賣活家禽咁講。咦！唔係話香港唔應該受外國勢力操縱咩，若然連劏雞，呢個政府都要睇吓美國佬面色，咁又置廣大維園阿伯嘅自尊心何地呢？
傳真︰2623-9278
電郵︰