八方噚日睇咗份有關全球三十多個中央銀行行長評級嘅調查報告，由財經雜誌《GlobalFinance》提供。八方發現我哋金管局總裁任志剛未被列入評選之列，或者人家認為佢未夠斤両被承認為真正嘅央行行長啦，但任總年薪八百萬，貴過格林斯潘幾倍，喺全球央行界中薪酬已經屬於摸頂嘞。
而對全球經濟有巨大影響力的美國聯邦儲備局主席格林斯潘及歐洲央行行長德伊森貝赫，評級均再跌一級，跌至最低的「D」級；但今年新上任的中國人民銀行行長周小川則獲得「B」級，真係畀面。
點解調低格林斯潘評級？原來係因為佢近年影響力已大不如前，兼且實施嘅政策冇乜大變，部份措施更好似受到總統喬治布殊內閣影響，故此不再受財經界重視。全球一共有九位央行行長拎「A」，中國一個都冇份；包括周小川在內，取得「B」級的則有八名。去年中國人民銀行前行長戴相龍只獲「C」級。評級標準包括貨幣政策、自主權、政策透明度、能否實踐對抗通脹的承諾、利率管理及干預滙市的適當性及效果等。
傳真︰2623-9278
電郵︰