成龍兒子陳祖明有意發展歌唱事業，祖明憑他父親的知名度要加入娛樂圈並不困難，但成龍揚言絕對不會讓兒子無風無浪便得到好處，他希望祖明的唱片「大仆街」，承受挫折，決不要兒子做二世祖。
成龍和謝霆鋒前晚在中環蘇豪區拍新片《新警察故事》，該片在開拍前已傳出會有不少圈中人客串，連傳與楊受成不和的曾志偉也是客串之列，問成龍會否安排角色讓其子陳祖明演出？他說：「唔會畀佢（祖明）掹我任何衫尾，最好佢出嘅唱片唔好賣，大仆街，年輕人要咁樣先好，受挫折先啱。如果一出成績就好好，我反而擔心，啲歌最好唔好聽，佢又唔係等錢開飯，𠵱家啲太子爺出嚟冇壓力，又揸靚車，將來會好慘。」
至於「龍嫂」鄭希怡（Yumiko）並無參與演出，問成龍是否怕惹來閒話？他不耐煩地說：「唔好攞呢啲出嚟，唔係新聞啦！」
而成龍昨日出席在灣仔舉行的「香港國際影視展2003」記者會時，問他是否落實邀得曾志偉客串《新》片？他說：「唔方便講，因為唔想部戲冇咗驚喜，總之可能會搵冇可能合作嘅人合作。」
此外，霆鋒早前為松日電子手帳產品拍廣告，今次他再度與3T中有「翻版王菲」之稱的劉思惠（Maggie）合作，當日廣告商出動開篷跑車拍攝，而剛巧獲車牌的Maggie更一嘗開跑車的滋味。
霆鋒在拍攝期間突然蹲下，搞Maggie裙腳，嚇得大家誤會他是偷窺狂，原來霆鋒為怕Maggie走光，才充當助手為她整理裙腳而已。
