「天氣涼喇，出街披多件衫呀！」呢句說話這星期大家已聽過數次，由母親大人講又好，由愛人講都好，總之自問脂肪層唔夠嘅你，冇人提都應該錫多啲自己，出入準備定件風褸！提起風褸，好多人以為物料當中Gore-tex防水透氣梗係最堅，其實不少戶外品牌都有致力發展自己高科技物料，防水透氣更襟磨襟蝕，爬山攀石都冇問題！講緊嘅就係美國Patagonia最新推出之耐磨防水透氣布料Regulator！
記者：張銘恩 攝影：陳陶鈞
模特兒：Ricky
逢星期一、二、四、五出版
採用強化版的Regulator布料，所以除有基本防水功能之外，更特別耐磨襟着，而且透氣度增加，有輕微彈性，亦較為保暖。
這強化版布料是否真如所說的耐磨？經筆者用石頭反覆摩擦測試之下，結果發現布面顏色稍為淡咗些少，但其結構質地則完全冇改變。
P記用一個小小的實驗，就可以令大家親眼睇到呢塊Regulator布料確實能夠防水，上面係水下面係空氣，中間以一塊Regulator布料阻隔，證明其防水功能。而當筆者在下面泵氣時，發覺往上湧的氣泡出奇的大及多，證明其透氣功能非常不錯。
100%防水，顏色配搭罕有，薄薄哋好啱香港天氣用。
若女士們嫌一般風褸予人太過粗獷的感覺，不妨睇睇今季新推出的彈性短身VelocityJacket，收腰之餘顏色又鮮豔奪目，當Fashion襯衫都得。$850（a）
法國品牌Eider，一般人可能較為陌生，但在戶外界其實非常有名。雖然Eider價格不屬大眾化，但香港卻有一班忠實Fan屎，皆因此品牌並沒有因成本關係而將生產線移至東南亞，反而仍堅持旗下產品要於法國製造，令顧客信心大增。
頂級專業戶外品牌Arc'teryx，產品於原產地加拿大製造，相信每個Outdoor或潮流友都想擁有一件。名峰行舖內有少量現貨，同時提供代客訂購服務，大家上網睇啱款可以搵佢訂，價錢以網上為準，約一個月有貨，免收郵費。
專業防水風褸閒閒哋要過千大元，一般去街用的話確係貴咗啲，所以筆者非常推介德國水牛牌（留意其水牛Logo）Tatonka，其價錢相宜又具一定實用價值，乃抵買之選。
英國戶外品牌Montane近年備受㗎仔追捧，有時不禁被人感覺似潮流服多啲。其實Montane一直都有致力研製新科技物料，例如上年推出的超輕風褸就於業界引起頗大回響，食過翻尋味，今年Montane再下一城，推出只有65克的AeroSmock，堪稱全球最輕。
（a）Patagonia（25060677）
銅鑼灣時代廣場6樓609號舖
（b）毅成戶外用品（23900020）
旺角西洋菜街134-136號2樓
（c）名峰行（25418876）
銅鑼灣告士打道271號地下
