昨日有報道指章小蕙十一月接拍楊凡的情慾片做妓女，更會露點演出，與吳彥祖或日本男演員合作。
章小蕙昨日接受本報電話訪問時，斷然否認會露點演出，她說：「露佢個頭！梗係冇可能啦，作為一個香港女性同兩個仔女嘅媽咪，絕對要顧及佢哋嘅感受。露點唔使搵我啦！作為一個時裝人，我可以着得好盡，忠於原著，透視唔戴bra都得，拍片就唔同。」
章小蕙揚言性感底線可以背部全裸，但露點免問。報道又指她將飾演活躍於灣仔的妓女，她哈哈笑說：「你睇我似唔似蘇絲黃？根本成個故事都係佢哋（指報道）作出嚟，除咗真係會喺泰國搭景，成個古仔、背景同角色都唔係佢哋報道寫成咁。上個星期我先同楊凡傾過，完全唔係嗰回事。」
採訪：DebbieLum