工業福音團契問題賭徒復康中心總監潘仁智表示，父母基於愛子之心代子女還債情況普遍，但長期縱容姑息只會令問題惡化，他笑言除了賭仔有「賭癮」外，不少家長都有一鋪「還錢癮」，他打譬喻說：「正如左手流血，右手輸血，若果你唔盡快止血，輸幾多血都救唔番啦！」
潘仁智稱，中心在過去兩年半共接獲一千八百多宗問題賭徒求助個案，其中一百個個案涉及家人代還賭債，其中最大一筆債項竟高達三百萬元。
面對家庭成員欠賭債，父母多會義不容辭代子女還債務，但他指出：「其實這樣做十分錯，愛佢隨時變成害佢，結果只會形成惡性循環，養成伸手攞錢習慣，令賭仔無止境沉淪下去！」
潘仁智續稱，社工協助賭徒時，會協助賭徒戒除賭癮及作出債務安排，同時家屬亦要學習面對家人欠債的態度和處理方法，學習「不離、不棄、不借」的三不政策。
本報記者