立法會記者室經過兩個月重新裝修後，噚日正式啟用，或者為咗辟邪，好似電視台開新劇咁，重搵咗立會主席范徐麗泰同一班行政管理委員會成員一齊切燒豬。
其實立會記者室由立法局年代啟用至今，一直未有大裝修過，連普通上網設施都冇，今次大裝修後，個記者室終於裝咗寬頻上網、打通咗大小記者房，由五十幾平方米加到七十幾平方米，加多咗電話線、電掣插頭、傳真機，喺硬件方面，真係新聞自由大躍進。
范太噚日話，記者嘅工作係為立法會議員增加透明度，所以好關心記者嘅工作環境。幾個月前佢收到一封記者投訴信，親自睇吓真係好唔掂，所以促成今次大裝修，就快去直選嘞，范太果然識做。
（圖）（左起）許長青、吳靄儀、范太、李華明同吳亮星齊齊開開心心切燒豬。
傳真︰2623-9278
電郵︰