諾貝爾物理學獎得主楊振寧就嚟八十一歲，重係喺國慶日牛一，噚日佢出席中大「楊振寧獎學金」頒獎禮，中大同佢提早慶祝生日。佢除咗頒獎畀二十八個成績非常好嘅學生外，重教埋啲男生佢嘅成功秘訣，就係娶個好好嘅賢內助，因為楊太幫佢湊大三個仔，令佢可以專心做研究，先至可以成為一代傑出學人。
楊教授重話唔會退休住，就嚟會由美國搬去北京清華大學繼續做研究。香港同北京咁近，佢話第日可以多啲嚟香港，中大副校長楊綱凱即刻食住上，請佢嚟多一兩次講座，益吓班學生。
（圖）楊振寧就快牛一，中大同佢提早慶祝生日。
傳真︰2623-9278
電郵︰