合和主席胡應湘噚日以理工大學校董會主席身份，出席在理大舉行的李兆基基金捐贈儀式。哥頓同八方講，遲吓要出國參加朋友的婚宴，八方打蛇隨棍上，問哥頓，佢位公子胡文新幾時同南華集團主席吳鴻生位千金吳旭茉拉埋天窗？
點知冷不防，哥頓突然爆一句：「乜佢哋唔係散咗咩！」八方梗係好驚訝咁反問：吓？唔係噃，上周見到胡公子，八方問佢幾時蜜運成功，佢都重係一臉腼腆，跟住重急急腳走人㖭。
哥頓見八方咁問，就即時耍太極，話後生仔嘅事，都係唔知好過問咁多。
胡公子一定估唔到，阿爸竟然就咁無嗱嗱爆咗佢甩拖呢單嘢啦！
（圖）胡公子同吳旭茉，究竟係咪分咗手，真係要問當事人至知。
傳真︰2623-9278
電郵︰