九龍灣居屋啟泰苑地下一名住戶，於去年飽嘗污水倒流入屋的苦況，向管理公司投訴後，一年來未獲跟進，日前又再污水倒流入屋，令屋內電器幾近全部泡湯，損失嚴重。管理公司則歸咎於樓上缺德住戶經常亂丟雜物入坐廁造成。
「嗰日放工返到屋企，見間屋裏面全部都係屎水污水，浸到一屋都係，啲污水喺廁所內重幾乎有成呎咁深。成間屋啲家具電器就咁就冇晒。」面對年復一年的污水倒流，居於九龍灣居屋啟泰苑地下單位的戴小姐感到十分無奈。
她稱，去年其單位已飽嘗污水倒流入屋的滋味，幸而上次倒流事件出現時有人在家，損失才不致嚴重。但日前再次出現倒流污水時，卻不幸無人在家，污水浸屋，至傍晚家人放工回家時才發覺，污水由洗手間湧出客廳飯廳，全屋電器幾近泡湯，損失嚴重。
她不滿地向記者表示：「入到屋成屋都係污水，真係想喊，淨係抹都抹咗好耐，真係好嬲。而且都已經唔係第一次有污水倒流，舊年試完今年又係咁，投訴完都冇改善過。今次就話得我呢戶啫，之前我都聽過地下其他單位試過係咁。大家都係住居屋啫，唔通住地下就要慘啲咩。」
負責管理啟泰苑的富寧物業管理有限公司回覆稱，因上述屋苑有缺德住戶經常亂丟雜物入坐廁，造成污水主渠淤塞，引致污水倒流入戴小姐的單位。管理處於收到投訴後，已立即派員到上址通渠，並派清潔工人清理現場。根據記錄，管理公司職員於去年九月，曾於該單位通出一個洗碗盆隔沙、一條白布及衞生巾；而今年則通出一條男裝內褲及一個木刷。
現時管理公司每三個月會進行一次高壓通渠，惟最有效的解決方法是上層住戶自律，注重公德，不要亂丟雜物入坐廁內，便可減少污水主渠淤塞引致污水倒流的情況。管理處亦會不厭其煩地發出通告，呼籲各住戶自律。管理公司並會整理一切有關資料，交由保險公司跟進賠償事宜。（○九一六○六六）
意見：只能不斷投訴施壓
服務熱線
電話:29908288
傳真:23702192
電郵: