型事偵緝：<br>Nike十月重頭戲格仔別注

型事偵緝：
Nike十月重頭戲格仔別注

潮流呢科食開真係有條水！話說Nike一招ColourSeries策略，將一個鞋款玩唔同Colour唔同物料，修修改改可以變成幾十個款；其策略除有利品牌的市場佔有率外，經常出新貨更帶來唔少水貨商機。繼早前話題作「斑馬燈」後，原定10月推出的重頭戲──格仔別注Nike系列，今周亦順利偷步搶閘！

記者：陳嘉文攝影：伍慶泉

10月ColourSeries專攻格仔元素！
繼潑墨、噴墨兩大潮流元素後，10月Nike的ColourSeries攻勢，除有嶄新襯色外，更注入了夠晒新鮮感的格仔元素放諸於鞋墊上（着住根本睇唔到!?）。而今次正式開鑼的格仔別注系列中，旗下共有三個款式包括Blazer、DunkLow同DunkHi，不過率先抵港的暫只得前兩者。

潮友點睇格仔別注Nike？
台灣狙擊手選Blazer
腳踏東洋潮流Icon藤原監製的HTM版「科時」的小杰，2×歲，台灣西寧南路潮流舖ANTIC店主，主力售賣原宿街牌及Crossover的Nike波鞋，今次到港之行，小杰當然是來掃潮鞋。
對於格仔別注Nike小杰有其獨特見解：「Nike的ColourSeries策略一向非常聰明，所選鞋款均是最受追捧的品種。今趟格仔別注Nike共推出三款，可惜還未見我最恨擁有的DunkHi，據知此鞋會採用3M物料襯粉藍色仔Swoosh，好期待！」

■率先曝光的啡×墨綠襯白「剔」的Blazer與啡×杏襯白「剔」的DunkLow，小弟則認為前者較有型兼較搶鏡。

■與之前勁Sell古着味的Blazer一樣，格仔別注版同樣採用更襟着生膠鞋底設計。

潮舖店主揀DunkLow
另一位着住NB580TN的台灣潮友──小峰，2×歲，台灣西寧南路潮流舖Un.Limited店主，店舖主攻近期熱爆的Undefeated×Nike波鞋。在旁的小杰笑話：「找他作訪問吧！他是台北潮流界的專家！」
面對今次格仔別注Nike系列，小峰一臉認真，望足10分鐘後終有定案。「由於我從不喜歡Blazer，所以我還是選啡×杏的DunkLow，且其Mix&Match的襯色好靚。」

Profile:小杰，2×歲，台灣西寧南路潮流舖ANTIC店主

■來港掃貨的台灣潮友小杰，腳踏東洋潮流Icon藤原監製的HTM版AirForce。

■小杰話若然硬是要選DunkLow與Blazer一款，佢會投襯色較酷的啡×墨綠的Blazer一票。

Profile:小峰，2×歲，台灣西寧南路潮流舖Un.Limited店主

■小峰的店舖雖主攻Undefeated×Nike波鞋，但腳踏的愛鞋卻是NB580TN。

忽然勁晒貴價DenimDunk
難得偶遇兩位來自台北的潮友，小弟當然唔放過問佢哋心目中的No.1潮鞋！論到此話題時，小峰登時眉飛色舞，取出現時eBay炒價過$5,000大關，依然大把人爭住Bid的DenimDunkSBbyReeseForbes。「02年12月推出的Nike破格設計代表作DenimDunkSB，全球限量440對推出之初定價為200美金，現已升至700美金，比Supreme版更矜貴！」

■台灣潮友收藏的No.1潮鞋DenimDunkSBbyReeseForbes(eBay炒價過$5,000大關！)

一周熱辣Sneakers情報
潮鞋「斑馬燈」將有行貨！
一則水貨界不幸消息，外間有舖夠膽死炒至$1,480的「斑馬燈」，代理即將會返齊男女裝兩款，賣價平一半有突！未買嘅鞋迷記得搶呀！

「優質」Wildwood第二代玩刮紋皮！
ACG系中最被煲得起的應該是Wildwood（最多唔同版本！)，早輪才推出第一代爆石紋版，今個禮拜已有第二代面世──玩刮紋皮面仿Vintage的設計。

「佐敦1」漆皮版駕到！
MichaelJordan呢個大名真係長玩長有，特別係「佐敦1」，潮友一定記得年前的經典紅白黑復刻版，一出即斷的創舉。最新的「佐敦1」非常玩嘢──全對都「令立立」的漆皮製作。

■坊間已有口痕友言之鑿鑿：乘着潑墨元素在潮流界開始有下滑迹象，刮紋元素會抬頭，成為Nike最潮的新元素。

■「優質」Wildwood第一代──爆石紋版。

■經典紅白黑「佐敦1」。

■閃到暈Jordan雷射商標，Wow！認真夠噱頭！

■同系另有北卡大學版──粉藍×白「佐敦1」。$1,099(b)

超震撼！
NB美版576唔使四嚿！
我冇寫錯！近日發現NB招牌作──美版576見出血價$399益買家！可惜僅得9號或以上大Size；Anyway！愛576又啱Size嘅鞋迷，你有福！

售賣點：(a)TheBest（27707444）旺角瓊華中心2樓203A舖
(b)Legend（27812845）旺角瓊華中心3樓312舖
(c)GeorgeTownSports（23323026）旺角瓊華中心3樓320舖