一向用「皮膚科醫生推介」做口號的Neutrogena，在香港的貨架上永遠只得一款售價略高但口碑勁掂的潤唇膏。今個冬季，呢個歷史將會被改寫。全因Neutrogena在今年一月於美國推出的全新系列潤唇膏，8個月內狂賣300萬支，輕易取得全美銷量冠軍。既然美國咁Buy，Neutrogena一於將呢四款全新潤唇膏引入香港咁話，本月底內全面鋪上萬寧、屈臣氏、莎莎、卓悅及天使的貨架。
講番呢四款潤唇膏，記住有紅、黃、白、綠四隻色：紅色係「紅莓磨砂潤唇膏」，可以軟化同去除唇上的死皮；黃色就係「芒果滋潤護唇膏」，專攻保濕；白色係「呍呢夜間修護潤唇霜」，含維他命E作深層修護，減少唇紋；綠色係「薄荷紓緩潤唇霜」，滋潤乾涸的嘴唇。畀個貼士你，在美國最賣得係紅色同黃色，記得率先試吓呢種含住士多啤梨同芒果的感覺喇！
記者：余敏