劉德華的契女鄧肇欣最近取代郭羨妮任護膚品代言人，廣告商起用鄧肇欣是有感她青春又有活力，跟產品的形象脗合。而日前通宵拍攝廣告時，一向怕黑的鄧肇欣竟遇上大停電，即時嚇得她呱呱叫。
劉德華的契女、天幕新人鄧肇欣近日接拍了瑞士品牌ee面膜廣告，這個廣告早前由郭羨妮任代言人，現在由她接棒，似有搶郭羨妮飯碗之嫌。
廣告商表示看中鄧肇欣，主要是覺得她夠青春，鄧肇欣日前則說：「我可以接拍呢個護膚品廣告，我都好開心，我都係第一次拍呢類產品廣告。」
問鄧肇欣通宵拍廣告，有甚麼趣事？她說：「我哋拍拍吓竟然停電，我一向都好怕黑，即時叫咗出嚟，好彩跟住好快有番電，都冇影響到拍攝嘅進度。」
鄧肇欣拍的是面膜廣告，一晚要敷十多塊，對此她說：「本來廣告宣傳期間可以贊助我任用，但廣告商見我咁鍾意，就話可以畀我一世任用，我重會拎啲畀朋友試吓。」
問到可會送美白面膜給契爺劉德華試用時，鄧肇欣笑說：「如果佢想試吓，我都可以拎畀佢用嘅。」
再問鄧肇欣的護膚心得，她說：「我以前住喺荷蘭，平時都冇乜嘢護膚方法，不過我好鍾意食生果同飲水，我都盡量唔食煎炸食物。」
撰文：比華利
