近兩年全世界都重視反恐，不過負責赤鱲角機場反恐工作嘅機場特警隊，唔講唔知，原來已經成立咗超過二十五年。七七年十一月十四日成立嘅呢個部門，當時叫做「特別行動隊」，只有五位前飛虎隊成員，到咗九八年搬到新機場，成員已經增至八十多人，由一位總督察及四位高級督察帶領。
今年機場特警慶祝成立銀禧紀念，十一月一日會舉行足球比賽，晚上重會舉行晚宴慶祝。
警隊要懷舊，除咗有機場特警嘅銀禧紀念活動，位於香甘道嘅香港警察博物館亦正展出「警隊今昔」嘅展覽，展出警隊自一八四四年以來嘅發展面貌。想知第二次世界大戰前嘅警員委任證係點樣、重溫六十年代高級警長嘅冬季制服模樣，就要去參觀一吓啦。
（圖）機場特警隊唔只有實際，重有姿勢。
傳真︰2623-9278
電郵︰