梁思浩日前批評有份拍攝劇集《當四葉草碰上劍尖時》的新晉演員出席宣傳活動時遲到，吳君如前晚在有線節目內力撐一班新人，更指梁思浩不應將事件張揚，君如又寸沈殿霞（肥姐）和鄭裕玲（嘟嘟）以鬥早為榮。
梁思浩早前出席無綫《公德傳遍九龍城》拜神儀式時，因《當四葉草碰上劍尖時》的一班新演員包括戴夢夢、李逸朗和唐詩詠等遲到，加上綵排時不認真，他大感不滿，直斥新人態度有欠認真。
前晚君如與何國良主持有線節目《娛樂真相》時，針對此事探討藝人遲到的問題，君如說：「肥姐、嘟嘟姐、阿姐永遠都係鬥早，佢哋以早為榮，有專業精神。」其後談到梁思浩的做法是否過激時，君如則力撐一班新人，更指梁思浩向傳媒洩憤的做法不對。
君如前晚在節目中說：「有時唔使咁勞氣，大家都經歷過後生階段，後生仔都鍾意嘻嘻哈哈，但有時遲到唔關啲後生仔事，有時控制唔到，可能梁思浩硬食咗好多日，忍唔到呢啖氣，但喺某程度上可以忍。我覺得梁思浩唔應該喺報紙度講，咁對於新人嚟講唔係幾好。如果我係佢，我會捉佢喺一邊講，細細聲講。」
梁思浩昨日透過助手就此事回覆本報說：「我對呢件事冇回應，總之遲到就係唔啱嘅。」而肥姐現時身在廣州工作，她昨日在電話中說：「吳君如話我哋鬥早，佢講笑啫，準時梗係好緊要，遲到唔尊重人哋之餘，亦唔尊重自己，新人就更加唔應該。」
